EL JOKER - EL TALTA MOMKEN | الجوكر - التالتة ممكن

Produced by: Ahmed Ehab

الكلمات:
ابن الزمالك اللي جالنا شبرا يعاشر الأشقيا
عشان يتحامي فينا ، وقال براب مع شبراوية
دلوقتي غايبب ، وبيرفع عينه فيا
نسي اما قولنا سم ايه اللي ب ٥٠٠

وبقينا بنبعتله اوتاكا ، ونوصيه عليه مخصوص
ما هو مش عشان عبيط يفتشوه في فلوس
من ٢٠١٢ لينا في كل خرابة نفوذ
وده اللي خلى حلمك تعمل بفة مش views

ف حرقت وقت وجهد علي التلاميذ وتوهت
بعد كل فركش كان بيبان عليك الحزن
صرفت وقت، وطاقة، وأكيد كان في علاقة
بين بعد كل واحد بعد فترة وبين نفاقك

لأ واتأنى .. بص مين اللي بعد! مين اللي استني
هتشوفك درجة في سلم كل مبتدئ في مجالنا
ومش بلومهم .. في طريق المجد لكل شيخ طريقة
لما لمبة يجيبهم ابيض هيقول انه مش بيطيقك

اصبح واضح انه شطب بس عايز يزود time
تيكتوكات وبتاع .. يادوب -الحمدلله- بيرايم
في اللايفات مفيم .. وفي البيفات مطين
مش جاي تنافس .. انت جاي تاخد كام line

ومحروق عشان دخلت تستعطفني .. متأثرتش
عمري ما أعتمدتك .. جيتنا شبرا .. متشبرتش . / ؟!
قولتلي هرد old .. ضحكت متوترتش
قولتلك لمبة بالنسبالي طفل .. معترضتش

ياما بيعتوا بعض زي علي وهانيا
انتوا مكشوفين قصادنا زي مصلحة run يا “يوسف”
لا احنا زملا ولا في بيننا حق جيرة
احنا في حتة تانية خالص .. استراليا

اديتك الريسبكت على اعلان voda عشان "Flex"
عارف انك عارف اني عارف جاية ازاي
محبش تبقى محرج وانت بتكلمني
لكن تعالى نوضح الواقع لل fans

الاعلان كان جاي ل ويجز .. لكن ويجز استرخصه
ف قالوا نجيب فنان أقل ونقصقصه
البرتقاني اداله أجره مش نقصه
الاحمر قال النجم “سعد” ف خلصوا

وهاتوا كنكة يكتب .. متسيبوش ل يوسف قلم
يوسف بيشعشع دربن دع .. مش ناقصة هبل
جيت شوفت الفرق بين مطبخكوا وبين مطبخنا
تسلم ايد الشافعي اللي مطلعها فخمة

والمهم.. ساعة ال interview كانت الاسئلة
لسه مكتوبة ل ويجز .. ولا كإنك انت هنا
ف اتعصبت .. طلعت فوق .. قولت لا دي قلة ذوق
بس نزلت زي الكلب .. الكاش بقي يذلك يا joe

احنا في ايدينا data تقعد التخين مع امه
هما فبركوا ال data في بعدي .. والله ل احرمهم
اللي فات بنية لعب .. بس لأ فطمهم
يا يبطلوا يشموا يشتموني ، يا ابطلهم

فانزي فوق ، وراسه عالية من باراتي
انت سحابة بتغطي النجوم ع الواطي
تقلب قهوة بفجرك أقوم صاببها في كيسك
بقلب جملك عليك كإنها تلاميذك

هقول ل مارو يقولك رد!! واسعة سنة
ياسطى انت عامل زي واحدة قالعة بيننا
تعملها .. تخيش .. ف تنقدها!!
عيب علي سنك
صاجاتهم راب ياعم ، ورابهم احسن منك

بتقول انك اتفرجت على rap game صعبنا عليك!
واحنا viewsنا اكبر من viewsك انت في حلقتين
طبعا ده مؤذي .. ك business .. وانت عارف ليه
حط نفسك مطرح اي شركة وقول هتدفع فين!

والحفلات مبتتلغيش لظرف خارج عن ارادتك
انت فانزك سد سعر جنون وكبرياء صرصرتك
عملت بابا .. ومجيتش في النقابة
ولما فوقت .. روحت .. كان التأجيل عقابك

انا عادد عليك تلاتة ، وبالنسبالي ميت
انت موتورك اصبح خوردة .. مش عايز يتزيت
كل ده وانا لسه بالاصول متقيد
احنا ملوك بننطح القطع .. انت بتبيت
----------------------------
Follow El Joker on:
Facebook: https://www.facebook.com/eljokermusic
Twitter: https://twitter.com/eljokermusic
Instagram: https://www.instagram.com/eljoker_music