قائمة مسلسلات رمضان 2023 | فئة ال15 حلقة ??

يا هلا ويا اهلا بيكم متابعي قنا ميكنج في حلقة جديدة معاكم أداء فويس اوفر محمود مسعود وفي حلقة النهاردة جايين نتكلم عن قائمة المسلسلات فئة ال١٥ حلقة اللي هتكون موجودة معانا في الماراثون الرمضاني القادم لسنة 2023 بس قبل مانبدأ الفيديو بتاعنا ونخش في التفاصيل ياريت انك تنزل تظبطني وتعمل لايك للفيديو و كمان تشترك معايا هنا في القناة وتفعل زر التنبيهات علشان توصلك كل حلقتنا وفيديوهاتنا الجديدة كلها لحد عندك ويلا بينا نبدأ الحلقة بتاعتنا ونقول بسم الله توكلنا على الله
وكالعادة بتاعتنا في بداية كل حلقتنا أننا بنبدأ بالصلاة على اشرف الخلق سيدنا محمد عليه افضل الصلاه والسلام
المسلسلات اللي احنا جايين نتكلم عنها في حلقة النهاردة تعتبر ان هي من اكتر الأعمال انتشارآ في اخر كام موسم وكمان بتعتبر ان هي بتكون من انجح الأعمال في رمضان

والدليل على ده هو مسلسل بطلوع الروح واللي كان من بطولة منه شلبي واللي اتعرض معانا في موسم رمضان اللي فات واللي كان يعتبر من انجح المسلسلات في الموسم الرمضاني اللي فات وخلينا نبدأ القائمة بتاعتنا بنفس النجمة واللي هي الفنانة

منه شلبي واللي هتقدملنا مسلسل تحت عنوان تغيير جو واللي هيكون مكون من 15 حلقة مسلسل تغيير جو هتدور أحداثه حوالين دكتورة نفسية بتحاول ان هي تعالج المرضي بتوعها واللي هيجيلها مريض في يوم من الأيام وهتحبة في فترة علاجه والمسلسل ده هيكون من بطولة الفنانة منه شلبي وكمان اياد نصار واحمد مالك والمسلسل هيكون من أخراج مريم ابو عوف ويكون من تأليف مني الشيمي وهيتم عرض المسلسل ده معانا علي شاشة قناة ام بي سي مصر
انما بقاا تاني مسلسل معانا هيكون مسلسل علاقة مشروعة واللي هيكون من بطولة الفنان ياسر جلال ومي عمر وخالد الصاوي وكمان بسمة والمسلسل ده قصته هتدور في إطار دراما اجتماعي وكمان المسلسل هتجمع قصة حب بين ياسر جلال ومي عمر المسلسل ده هيام عرضه في رمضان اللي جاي علي شاشة قناة الحياة


والمسلسل اللي بعد كدة معانا هيكون مسلسل رشيد واللي هيكون من بطولة الفنانة ريهام عبدالغفور وكمان الفنان محمد ممدوح واللي هتجمعهم قصة حب في أحداث المسلسل
المسلسل هيكون من اخراج مي ممدوح وهيتم عرض المسلسل ده معانا في موسم رمضان القادم على شاشة قناة ام بي سي مصر


انما بقاا المسلسل الرابع معانا في حلقة النهاردة هيكون مسلسل الصفارة واللي هيكون من بطولة الفنان احمد امين وكمان هتكون اول مشاركة الفنان احمد الغندور واللي هو صاحب برنامج الدحيح علي يوتيوب والمسلسل هينتمي لفئه المسلسلات الكوميديه ويكون من تأليف أحمد أمين ومن إخراج علاء إسماعيل وهيتم عرض المسلسل ده معانا في موسم رمضان القادم لسنة 2023 علي شاشة قناة دي ام سي

والمسلسل الخامس معانا هيكون مسلسل الهرشة السابعة واللي تم الإعلان عنه من قبل الفنانة أمينة خليل واللي هتشاركنا بيه في الموسم الرمضاني القادم المسلسل هيكون من تأليف وإخراج مريم نعوم وهيتم عرض المسلسل ده معانا في رمضان القادم على شاشة قناة ام بي سي مصر



والمسلسل اللي بعد كداا معانا هيكون مسلسل بطن الحوت واللي هيكون من بطولة الفنان محمد فراج وباسم سمرة واسماء ابو اليزيد والمسلسل ده هيحكيلنا قصة قابيل و هابيل المسلسل ده هيكون من اخراج وتأليف احمد فوزي صالح وهيتم عرض المسلسل في موسم رمضان القادم علي شاشة قناة ام بي سي مصر


والمسلسل اللي جاي معانا في حلقة النهاردة هيكون مسلسل كامل العدد واللي هيكون من بطولة دينا الشربيني وشريف سلامة وأساعد يونس وهتدور أحداث المسلسل في إطار من الدراما الاجتماعية وهيتم عرض المسلسل ده معانا في موسم رمضان القادم لسنة 2023 علي شاشة قناة ام بي سي مصر



واخر مسلسل معانا هيكون مسلسل تحت الوصاية واللي هيكون من بطولة الفنانة منيي زكي والفنان دياب وكمان الفنانة نسرين امين والمسلسل ده هتدور قصة في إطار من الدراما الصعيدية حول مرأة بتتنكر وسط الرجال وتشتغل معاهم في أعمال الصيد المسلسل ده هيتم عرضه معانا في موسم رمضان القادم علي شاشة قناة دي ام سي

----------------------------------------------------------------------------
شكرأ لو عملت
LIKE ? SUBSCRIBE ?️️️ SHARE
【 ??????????? 】

تعليق الصوتي ومنتاج : محمود مسعود

اسكربت الحلقة : محمد تامر
---------------------------------------------------------------------------
قناتي التانيه : قناة محاكاة
https://www.youtube.com/channe....l/UCWEkXE2iDE4tjTvva
إنستجرام http://cutt.us/L7vkU
البروفايل الرسمي علي الفيسبوك http://cutt.us/K1sO2
#برنامج_ميكنج
#Top_MAKING
انا محمود مسعود بقدم برنامج علي اليوتيوب يحمل اسم ميكنج متخصصة في جميع اخبار الفن والنجوم وبالاخص اعمال رمضان تعرض لكم جميع الأخبار المتعلقة بالمسلسلات والبرامج والفنانين وكل ما هو في سياق الدراما الرمضانية . مراجعات و معلومات عن مسلسلات رمضان, وافلام العيد